Layihələrin idarə olunması yalnız metodologiya və alətlərdən ibarət deyil — bu, eyni zamanda düşüncə tərzidir.
Bu yanaşmanı daha fərqli və yadda qalan formada çatdırmaq üçün ADA Universitetində keçirilən master-klassımızda qeyri-adi bir metoddan istifadə etdik. Görüş çərçivəsində məşhur “Finding Nemo” animasiya filmindən seçilmiş bir fraqment üzərindən layihə idarəetməsinin əsas prinsiplərinə baxdıq.
Sadə görünən hekayələrin arxasında çox zaman mürəkkəb qərarvermə, risklərin idarə olunması, komanda işi və liderlik kimi vacib elementlər gizlənir. Bu cür yanaşmalar iştirakçılara yalnız nəzəri bilikləri deyil, həm də onları real situasiyalara tətbiq etmə bacarığını qazandırır.